பறவைக் காவடி எடுத்து பக்தர்கள் ஸ்ரீ பாலமுருகனுக்கு நேர்த்திக்கடன்!வேலூர், ஆக. 8-வேலூர் மாவட்டம், அணைக்கட்டு வட்டம், அணைக்கட்டு அடுத்த மூலகேட் பகுதியில் வேலாடும் தணிகை மலையில் ஸ்ரீ பாலமுருகன் ஆலயம் அமைந்துள்ளது. இந்த ஆலயத்திற்கு ஆண்டுதோறும் பக்தர்கள் ஆடி மாத கிருத்திகையில் பறவைக்காவடி மற்றும் வேல் அலகு குத்தியும் மற்றும் பல்வேறு வேண்டுதல்களை நிறைவேற்றிக் கொள்ள தங்களது நேர்த்திக்கடனை வேண்டியது போல செலுத்தி வருவது வழக்கம். அதேபோன்று இந்த ஆண்டும் ஆடி மாத கிருத்திகையை முன்னிட்டு வேலாடும் தணிகை மலை ஸ்ரீ பாலமுருகன் ஆலயத்திற்கு பறவைக் காவடி எடுத்து பக்தர்கள் தங்களது நேர்த்திக்கடனை செலுத்தினர். அணைக்கட்டு போலீசார் பாதுகாப்பு பணியில் ஈடுபட்டு இருந்தது குறிப்பிடத்தக்கது.

மத்திய அமைச்சரை சந்தித்து வேலூர் விமான நிலையத்தை விரைவில் திறக்க கோரிக்கை: எல்.கே. சுதீஷ் எம்.பி. வலியுறுத்தல்வேலூர், ஆக. 8-தேசிய முற்போக்கு திராவிட கழகத்தின் (தேமுதிக) பொருளாளரும், மாநிலங்களவை உறுப்பினருமான எல்.கே. சுதீஷ், எம்.பி., மத்திய விமானப் போக்குவரத்துத் துறை அமைச்சரை வெள்ளிக்கிழமை நேரில் சந்தித்து, வேலூர் விமான நிலையத்தை விரைவில் பயன்பாட்டிற்கு கொண்டு வர தேவையான நடவடிக்கைகளை மேற்கொள்ள வேண்டும் என்று கோரி மனு அளித்தார்.அவர் அளித்த மனுவில், RCS-UDAN-II திட்டத்தின் கீழ் 2017ஆம் ஆண்டு வேலூர் விமான நிலையம் தேர்வு செய்யப்பட்டதாகவும், தற்போது DGCA ஆய்வுப் பணிகள் நிறைவடைந்து, விமான நிலைய உரிமம் வழங்கும் இறுதிக்கட்ட நடைமுறைகள் நடைபெற்று வருவதாகவும் குறிப்பிடப்பட்டுள்ளது.தற்போது BCAS-இன் இறுதி பாதுகாப்பு அனுமதி வழங்கப்பட வேண்டிய நிலையில் உள்ளதாகவும், அந்த அனுமதி கிடைத்தவுடன் DGCA உரிமம் வழங்கி, விமான நிலையத்தை உடனடியாக செயல்பாட்டிற்கு கொண்டு வர முடியும் என்றும் தெரிவிக்கப்பட்டுள்ளது.மேலும், வேலூர், திருவண்ணாமலை, ராணிப்பேட்டை உள்ளிட்ட வடதமிழக மாவட்டங்களைச் சேர்ந்த மக்கள் கடந்த 9 ஆண்டுகளாக விமானப் போக்குவரத்து வசதிக்காக காத்திருப்பதாகவும், விமான நிலையம் செயல்பாட்டுக்கு வந்தால் மருத்துவ சுற்றுலா, குறு, சிறு மற்றும் நடுத்தர தொழில்கள் (MSME), மாணவர்கள், தொழில் முனைவோர் மற்றும் பொதுமக்கள் பெரிதும் பயனடைவதுடன், வடதமிழகத்தின் பொருளாதார வளர்ச்சிக்கும் முக்கிய பங்காற்றும் என்றும் வலியுறுத்தப்பட்டுள்ளது.எனவே, BCAS மற்றும் DGCA அதிகாரிகளுக்கு தேவையான அறிவுறுத்தல்களை வழங்கி, இறுதி பாதுகாப்பு அனுமதி மற்றும் விமான நிலைய உரிமத்தை விரைந்து வழங்கி, UDAN திட்டத்தின் கீழ் வேலூர் விமான நிலையத்தில் விமான சேவைகளை உடனடியாக தொடங்க நடவடிக்கை எடுக்க வேண்டும் என மத்திய அமைச்சரிடம் எல்.கே. சுதீஷ் எம்.பி. கோரிக்கை விடுத்தார்.இந்த முயற்சியின் மூலம் வேலூர் விமான நிலையம் விரைவில் செயல்பாட்டுக்கு வந்து, வடதமிழகத்தின் விமானப் போக்குவரத்து இணைப்பு வலுப்பெறும் என்ற நம்பிக்கையை தேமுதிக தெரிவித்துள்ளது.

விரிஞ்சிபுரம் காவல் நிலையத்தில் புதிய ஆய்வாளர் பொறுப்பேற்பு!வேலூர், ஆக. 8-வேலூர் மாவட்டம், விரிஞ்சிபுரம் காவல் நிலையத்தில் ஆய்வாளராக எழில்வேந்தன் பொறுப்பேற்றுக் கொண்டார். காவல் நிலையத்தில் நடைபெற்ற எளிய நிகழ்வில் அவர் அதிகாரப்பூர்வமாக கையொப்பமிட்டு தனது பணியைத் தொடங்கினார். பொதுமக்களின் குறைகளை விரைந்து தீர்க்கவும், சட்டம்–ஒழுங்கை பாதுகாக்கவும் நடவடிக்கை எடுக்கப்படும் என அவர் தெரிவித்தார். பொதுமக்கள் தன்னை தொடர்பு கொண்டு புகார்களை தயக்கமின்றி தெரிவிக்கலாம் எனவும் அவர் தெரிவித்துள்ளார்.

‘எண்ணற்ற திட்டங்களை கொண்டு வந்தவர் கருணாநிதி’தி.மு.க., ஒன்றிய செயலாளர் என்.சங்கர் புகழாரம் !செய்யாறு, ஆக. 8 -செய்யாறு அடுத்த வெம்பாக்கம் கிழக்கு ஒன்றிய தி.மு.க., சார்பில் முன்னாள் முதல்வர் கருணாநிதியின் நினைவுதினத்தையொட்டி அவரது திருவுருவப் படத்திற்கு மாலை அணிவித்து மரியாதை செலுத்தும் நிகழ்ச்சி நடந்தது. கிராம மக்கள் 500க்கும் மேற்பட்டோருக்கு அன்னதானமும் வழங்கப்பட்டது.வெம்பாக்கம் அடுத்த கனிகலுப்பை கிராமத்தில் நடந்த இந்நிகழ்ச்சிக்கு, வெம்பாக்கம் கிழக்கு ஒன்றிய செயலாளர் என்.சங்கர் தலைமை தாங்கினார். மாவட்ட அயலக அணி துணைத் தலைவர் எம்.கே. கார்த்திகேயன் முன்னிலை வகித்தார். கிராம நுழைவுவாயிலில் நிறுவப்பட்டிருந்த கருணாநிதியின் திருவுருவப் படத்திற்கு மாலை அணிவித்து மரியாதை செலுத்தினர்.அப்பொழுது வெம்பாக்கம் கிழக்கு ஒன்றிய செயலாளர் என்.சங்கர் பேசியதாவது; ‘தமிழகத்தில் 7 முறை முதல்வராக பதவி வகித்தவர் முன்னாள் முதல்வர் மறைந்த கருணாநிதி. இவரால், கொண்டுவரப்பட்ட எண்ணற்ற திட்டங்களால் இன்றும் பொதுமக்கள் பயனடைந்து வருகின்றனர்.‌ தமிழகத்தில் புதியதாக ஆட்சி பொறுப்பேற்றுள்ள த.வெ.க., அரசு அனைத்து வீடுகளுக்கும் 200 யூனிட் மின்சாரத்தை இலவசமாக கொடுக்கும் என கூறியுள்ளது. ஆனால், ஒரு யூனிட்டுக்கு ஒரு ரூபாய் 50 காசை கூடுதலாக உயர்த்தி விட்டு, இலவச மின்சாரத்தை கொடுக்கிறோம் என்று சொல்வதில் அர்த்தமே இல்லை. ஏமாற்று வேலையை செய்து வருகிறது இந்த புதிய அரசு;’ இவ்வாறு ஒன்றிய செயலாளர் என்.சங்கர் நிகழ்ச்சியில் பேசினார். இதையடுத்து மாவட்ட துணைத் தலைவர் எம்.கே. கார்த்திகேயன் பேசும்போது; ‘தி.மு.க., ஒரு ஆலமரம் போன்றது. ஆலமரம் பட்டுப் போனாலும் விழுதுகள் தாங்கிப் பிடிக்கும். அதுபோல தமிழகத்தில் தி.மு.க., மீண்டும் மலரும். அதுவரை காத்திருப்போம்; ‘இவ்வாறுஎம்.கே.கார்த்திகேயன் பேசினார். இதைத் தொடர்ந்து கிராம மக்கள் 500க்கும் மேற்பட்டோருக்கு அன்னதானம் விநியோகம் செய்யப்பட்டது. இந்நிகழ்ச்சியில் தி.மு.க., பொறுப்பாளர்களான பிரபு, அமல்ராஜ், தியாகு, சின்னதுரை, தர்மலிங்கம், துரை உள்ளிட்ட ஏராளமான கலந்து கொண்டு சிறப்பித்தனர்.

ஆடி மாத கிருத்திகையை முன்னிட்டு காட்பாடி செங்குட்டையில் அன்னதானம் வழங்கல்!வேலூர் ,ஆக.8-வேலூர் மாவட்டம், காட்பாடி செங்குட்டை பகுதியில் திரௌபதி அம்மன் கோயில் எதிரில் சித்தூர்- கடலூர் செல்லும் தேசிய நெடுஞ்சாலை ஓரம் சாமியானா பந்தல் அமைத்து ஆகஸ்ட் மாத (ஆடி) கிருத்திகையை முன்னிட்டு அன்னதானம் வழங்கப்பட்டது. இந்த அன்னதானம் நண்பகல் 12 மணி முதல் பிற்பகல் 1 மணி வரை இடைவிடாது ஒரு மணி நேரம் வழங்கப்பட்டது. இந்த நன்னாளில் முருக பக்தர்களுக்கு வேலூர் செங்குட்டை மாடு விடும் தெருவைச் சேர்ந்த பாரத் காஸ் அச்சுதன் -அமுதா தம்பதியர் அன்னதானம் வழங்கினர். இந்த அன்னதானத்தில் கேசரி மற்றும் மதிய உணவாக சாம்பார் சாதம், ரசம் சாதம், வாழைப்பழம், மசால் வடை ஆகியன வழங்கப்பட்டது. சுமார் 500க்கும் மேற்பட்ட முருக பக்தர்கள் வரிசையில் நின்று இந்த அன்னதானத்தை பெற்று உண்டு மகிழ்ந்து தங்களது பசியாற்றி கொண்டனர்.இந்த அன்னதானம் வழங்கும் நிகழ்ச்சியை அச்சுதன் தனது திருக்கரங்களால் தொடங்கி வைத்தது குறிப்பிடத்தக்கது. முதலாவதாக ஸ்ரீ பாலமுருகன் திருவுருவப் படத்துக்கு மலர்களால் அலங்காரம் செய்து வழிபாடு நடந்தது. இதையடுத்து அன்னதானம் நடந்தது. இந்த அன்னதானத்துக்கான அனைத்து ஏற்பாடுகளையும் அச்சுதன் -அமுதா தம்பதியருடன் அவரது குடும்பத்தினர் மற்றும் அவரது நண்பர்கள், நெருங்கிய உறவினர்கள் வெகு விமரிசையாக செய்திருந்தது குறிப்பிடத்தக்கது. இந்த அன்னதானம் வழங்கும் நிகழ்ச்சியில் அச்சுதனுக்கு உதவியாக தெலுங்கானா நக்சலைட் தேடுதல் வேட்டை பிரிவு உதவி ஆய்வாளர் ரவி, அதிமுக முன்னாள் கவுன்சிலர் காட்பாடி செங்குட்டை குமார், தொழிலதிபர் நந்தகுமார் பேருதவி புரிந்தனர் என்பது குறிப்பிடத்தக்கது.

காட்பாடி – வேலூர் பாலாறு ரயில்வே மேம்பாலம் மீது ரயிலில் சிக்கி ஒருவர் பலி!வேலூர், ஆக. 6-வேலூர் மாவட்டம், காட்பாடி ரயில் நிலையத்தில் இருந்து வேலூர் கண்ட்டோன்மெண்ட் ரயில் நிலையம் செல்லும் பாதையில் பாலாற்றின் மீதுள்ள ரயில்வே மேம்பாலத்தின் தண்டவாளத்தில் ரயிலில் சிக்கி உயிரிழந்த நிலையில் சுமார் 40 வயது மதிக்கத்தக்க ஆண் சடலம் மீட்கப்பட்டுள்ளது. இது குறித்துதகவல் அறிந்து அங்கு சென்ற காட்பாடி இருப்பு பாதை போலீசார் இறந்து கிடந்தவரின் உடலைக் கைப்பற்றி வேலூர் அடுக்கம்பாறை அரசு மருத்துவமனைக்கு அனுப்பி வைத்தனர்.காட்பாடி இருப்புப் பாதை போலீசார் இச்சம்பவம் குறித்து வழக்குப் பதிவு செய்து உயிரிழந்தவர் யார்? எந்த ஊரைச் சேர்ந்தவர்? இவர் ரயிலில் இருந்து தவறி விழுந்தாரா? , தற்கொலை செய்து கொண்டாரா? அல்லது கவனக்குறைவாக தண்டவாளத்தை கடக்கும்போது ரயிலில் சிக்கி உயிரிழந்தாரா? என பல்வேறு கோணங்களில் போலீசார் தீவிர விசாரணை மேற்கொண்டு வருகின்றனர்.

செய்யாறில் குப்பை கிடங்காக மாறிவரும் ‘வாணிய குளத்தை’மீட்கக் கோரி காமராஜர் நகர் பொது மக்கள் சப் – கலெக்டரிடம் புகார் மனு!செய்யாறு, ஆக. 6 -செய்யாறு காமராஜர் நகரில் ‘குப்பை கிடங்கு – கழிவுகள் கொட்டும் இடமாக’ மாறி வரும் வாணிய குளத்தை மீட்க வேண்டும் என, பொதுமக்கள் செய்யாறு சப் – கலெக்டரிடம் புகார் மனுவை கொடுத்துள்ளனர்.செய்யாறில் அமைந்துள்ளது காமராஜர் நகர். இங்கு பழமையான வாணியக்குளம் மக்கள் பயன்பாட்டில் இருந்து வந்தது. ஒரு ஏக்கர் பரப்பளவு கொண்ட இந்த குளத்தின் கரைகளைச் சுற்றி 20க்கும் மேற்பட்ட வெவ்வேறு பகுதிகளைச் சேர்ந்த பொதுமக்கள் ஆக்கிரமித்து வீடுகளை கட்டி வசித்து வருகின்றனர். எஞ்சியுள்ள குளத்தை கழிவுநீர் – கழிவுப் பொருட்கள், குப்பைகளையும் கொட்டி கொஞ்சம் கொஞ்சமாக மூடி தூர்ந்து போகச் செய்து வருகின்றனர்.இந்த நிலை தொடர்ந்தால் குளமே காணாமல் போய்விடும் ஆபத்து ஏற்பட்டுள்ளது. இந்த குளத்தை முழுமையாக மீட்க வேண்டும் என, காமராஜர் நகரைச் சேர்ந்த பொது மக்கள் நேற்று செய்யாறு சப் – கலெக்டர் அம்பிகா ஜெயினிடம் புகார் மனுவை கொடுத்துள்ளனர். அந்த மனுவில் கூறியிருப்பதாவது; ‘திருவத்திபுரம் நகராட்சியின் கட்டுப்பாட்டில் உள்ள வாணியக்குளம் குப்பை கொட்டும் கிடங்காக மாறிவிட்டது. இந்த குளத்தை மீட்டெடுத்தால் இங்கு நிலத்தடி நீர்மட்டம் உயர்ந்தே இருக்கும். இங்குள்ள ஆக்கிரமிப் பாளர்களை வேறு இடத்திற்கு மாற்றம் செய்து குளத்தை முழுமையாக மீட்டெடுத்து, நடைபாதை, பூங்கா உள்ளிட்ட வசதிகளை நகராட்சி நிர்வாகம் செய்து கொடுக்க உத்தரவிட வேண்டும். இவ்வாறு அந்த புகார் மனுவில் குறிப்பிடப்பட்டுள்ளது.

அலுவலக உதவியாளரை 7 நாட்களும் வேலைக்கு வருமாறு கூறி அவரை டார்ச்சர் செய்யும் கணியம்பாடி வட்டார வளர்ச்சி அலுவலர்!வேலூர், ஆக. 5-வேலூர் மாவட்டம், வேலூர் வட்டம், கணியம்பாடி வட்டார வளர்ச்சி அலுவலராக பணியாற்றுபவர் ரமேஷ்குமார். இவர் என்றைக்கு கணியம்பாடி வட்டார வளர்ச்சி அலுவலராக பணிக்கு வந்தாரோ அன்று முதல் இன்று வரை கணியம்பாடி வட்டார வளர்ச்சி அலுவலகத்தில் பணிபுரியும் யாரிடமும் சரியாக பேசுவது கிடையாது. இவருக்கும் இங்கு பணியாற்றும் அனைத்து பணியாளர்கள் மற்றும் ஊழியர்களுக்கும் இடையில் ஒரு பணிப்போர் அமைதி கரமாக நடந்து வருகிறது. இந்த பணிப் போருக்கு காரணமே பிடிஓ ரமேஷ் குமார் தான் என்று சொன்னால் அது மிகையாகாது. இந்த வட்டார வளர்ச்சி அலுவலராக உள்ள ரமேஷ் குமார் கணியம்பாடி வட்டார வளர்ச்சி அலுவலகத்தில் அலுவலக உதவியாளராக பணிபுரியும் ஒரு நபரை தினசரி டார்ச்சர் செய்வது, அவரை பணி செய்ய விடாமல் தடுப்பது, அவரை மன உளைச்சலுக்கு உள்ளாக்குவது என்று விதவிதமாக அவரை கொடுமைப்படுத்தி ரசித்து வருகிறார் வட்டார வளர்ச்சி அலுவலர் ரமேஷ் குமார் என்று சொன்னால் அது மிகையாகாது. அத்துடன் ஒரு படி மேலே சென்று பிடிஓ அந்த அலுவலக உதவியாளரை நீ ஒருநாளும் ஓய்வு எடுக்கக் கூடாது, வார விடுமுறை எடுக்கக் கூடாது 7 நாட்களும் தினசரி அலுவலகத்திற்கு வந்து செல்ல வேண்டும் என்று அவருக்கு வாய்மொழி உத்தரவு கொடுத்து அவரை டார்ச்சர் டார்ச்சர் செய்து வருகிறார். ஒருமையில் திட்டுகிறார். இப்படி வார விடுமுறை எடுத்துக் கொண்டு, ஓய்வு எடுத்துக் கொண்டால் இங்கு யார் வேலை பார்ப்பது என்று கேள்வி கேட்கிறார். பணிக்கு வராமல் நீ என்ன வீட்டில் செய்கிறாய் என்று ஒருமையில் பேசி அவரை கடும் மன உளைச்சலுக்கு உள்ளாக்கி வருகிறார் வட்டார வளர்ச்சி அலுவலர் ரமேஷ் குமார். இவர் குறித்து மேல் அதிகாரிகளுக்கு தகவல்கள் தெரிவித்த பிறகும் மேலதிகாரிகள் வட்டார வளர்ச்சி அலுவலர் ரமேஷ் குமார் மீது எவ்வித நடவடிக்கையும் எடுக்காமல் அமைதி காத்த வண்ணம் உள்ளனர். ஆதலால் இந்த புகாரின் மீது உரிய விசாரணை நடத்தி வட்டார வளர்ச்சி அலுவலர் ரமேஷ் குமார் மீது துறை ரீதியான சட்ட நடவடிக்கையை விரைந்து எடுக்க வேண்டும் என்று கணியம்பாடி வட்டார வளர்ச்சி அலுவலகத்தில் பணிபுரியும் ஊழியர்கள் மற்றும் பணியாளர்கள் ஆவலுடன் எதிர்பார்த்து காத்துக் கொண்டுள்ளனர். மாவட்ட ஆட்சியர் பிடிஓ மீது என்ன நடவடிக்கை எடுக்கிறார் என்பதை பொறுத்திருந்துதான் பார்க்க வேண்டும்.

தமிழ்நாடு அரசுமாற்றுத்திறனாளிகள் நலத்துறை கோயம்புத்தூர் மாவட்டம், தொண்டாமுத்தூர் வட்டாரம், பூலுவாபட்டி அரசு ஆரம்ப சுகாதார நிலைய வளாகத்தில், மாற்றுத்திறனாளிகளுக்கான “விழுதுகள்” வட்டார அளவிலான ஒருங்கிணைந்த மறுவாழ்வு சேவை மையம் (One Stop Centre), தமிழ்நாடு அரசின் தமிழ்நாடு உரிமைகள் திட்டத்தின் கீழ், உலக வங்கி மற்றும் தமிழ்நாடு அரசின் நிதியுதவியுடன்.தமிழ்நாடு பிற்படுத்தப்பட்டோர் நலத்துறை அமைச்சர் திரு. வி. சம்பத் குமார் அவர்கள் தலைமை தாங்கி, மாற்றுத்திறனாளிகள் பயன்பாட்டிற்கு அர்ப்பணித்தார். மேலும்,மாவட்ட வருவாய் அலுவலர் சுதர்ஷன்கோவை துணை இயக்குநர் (சுகாதாரப் பணிகள்) டாக்டர் பி. பாலுசாமி மாவட்ட மாற்றுத்திறனாளிகள் நல அலுவலர் வசந்தராம்குமார் தமிழ்நாடு உரிமைகள் திட்டம் – கோவை மாவட்ட முதன்மை நிபுணர் (Key Expert) டாக்டர் அ. கரிகாலன் மற்றும் TN Rights பணியாளர்கள் ஆகியோர் கலந்து கொண்டனர். இத்திட்டத்தின் சமூக சேவை வழங்குநராக கோயம்புத்தூரைச் சேர்ந்த கௌமாரம் பிரசாந்தி அகாடமி செயல்பட்டு வருகிறது. மாற்றுத்திறனாளிகளுக்கு தரமான, ஒருங்கிணைந்த மற்றும் எளிதில் அணுகக்கூடிய மறுவாழ்வு சேவைகளை ஒரே இடத்தில் வழங்கும் நோக்கத்துடன், மாற்றுத்திறனாளிகளுக்கான அரசின் நலத்திட்டங்களைப் பெறுவதற்கும் இம்மையத்தில் வழிகாட்டுதல் வழங்கப்படுகிறது. மேலும், இம்மையத்தில் உளவியல் ஆலோசனை (Counselling), இயன்முறை மருத்துவம் (Physiotherapy), அறிவுத்திறன் குறைபாடு உடையோருக்கான சிறப்புக் கல்வி, பார்வைக் குறைபாடு உடையோருக்கான சிறப்புக் கல்வி மற்றும் செவித்திறன் குறைபாடு உடையோருக்கான சிறப்புக் கல்வி உள்ளிட்ட ஒருங்கிணைந்த சேவைகள் வழங்கப்படுகின்றன.மாற்றுத்திறனாளிகளைக் கண்டறியும் கணக்கெடுப்புப் பணிகள் தற்போது நடைபெற்று வருகின்றன. இதுவரை தொண்டாமுத்தூர் வட்டாரத்தில் 1,593 மாற்றுத்திறனாளிகள் கண்டறியப்பட்டுள்ளனர். மேலும், தற்போது நடைபெற்று வரும் இக்கணக்கெடுப்பிற்கு பொதுமக்கள் தங்களது முழு ஒத்துழைப்பை வழங்குமாறு மாவட்ட மாற்றுத்திறனாளிகள் நல அலுவலகம் சார்பாக அன்புடன் கேட்டுக்கொள்ளப்படுகிறது.

ஒப்பந்தம் முடியும் முன்னே தன்னிச்சையாக ஒப்பந்தமே எடுக்காதவர்களுக்கு அதிக கட்டணம் கொடுத்து லாரியை அமர்த்தி அரசுக்கு வருவாய் இழப்பு ஏற்படுத்தியுள்ள கூட்டுறவு சார் பதிவாளர் கோபிநாத் மீது துறை ரீதியான நடவடிக்கை பாயுமா?வேலூர், ஆக. 3-பொது விநியோகத் திட்டத்தின் கீழ் அத்தியாவசியப் பண்டங்கள் மற்றும் கட்டுப்பாடற்ற பொருட்கள் தமிழ்நாடு நுகர்பொருள் வாணிப கழகம் காட்பாடி கிடங்கில் இருந்து (திருவலம்) காட்பாடி தாலுகாவில் உள்ள கற்பகம் கடைகள் மற்றும் கிராம நியாய விலை கடைகளுக்கு நகர்வு செய்ய கடந்த 29.1.2026 அன்று பண்டகசாலையில் நடைபெற்ற லாரி வாடகை டெண்டரில் ஒரு குவிண்டாலுக்கு இறக்கு கூலி மற்றும் இதர கட்டணங்கள் உட்பட தமிழ்நாடு நுகர்பொருள் வாணிபக் கழக கிடங்கு மற்றும் கற்பகம் கிடங்கில் இருந்து நகர்வு செய்ய ஏ.முத்து என்பவரை லாரி ஒப்பந்ததாரராக காட்பாடி கிளைக்கு நியமனம் செய்திடவும், அவருக்கு 1 கி. மீ., முதல் 13 கி.மீ., வரை ரூ. 25.50 மற்றும் 13 கி.மீ., முதல் 36 கி. மீ., வரை ரூ.34.50 வழங்கவும், 36 கி.மீ., மேல் ரூ.36 வழங்கவும் முடிவு செய்யப்பட்டுள்ளது. இந்த லாரி வாடகை கடந்த 21.2.2026 முதல் அடுத்த ஒப்பந்த மேற்கொள்ளும் வரை ஏ.முத்து என்ற ஒப்பந்ததாரரை வைத்து அத்தியாவசிய பண்டங்கள் மற்றும் கட்டுப்பாடற்ற பொருட்கள் நகர்வு செய்யவும், மேலும் ஒப்பந்தப்புள்ளி வழங்கப்பட்ட காலம் முடிந்த பிறகும் புதிய ஒப்பந்ததாரரை தேர்ந்தெடுக்கும் வரை அங்கீகரிக்கப்பட்ட வாடகைக்கு பழைய ஒப்பந்ததாரரே நகர்வு பணியை மேற்கொள்ள வேண்டும் எனவும் காட்பாடி கிளை மேலாளருக்கு உத்தரவு வழங்கப்பட்டுள்ளது. காட்பாடி கிளையில் நகர்வு பணிக்கு கூடுதலாக அதிக லாரிகள் தேவைப்பட்டால் ஒப்பந்ததாரரை கேட்டு அவர் அனுப்பும் இதர லாரிகளை வைத்து நகர்வினை முடிக்க வேண்டும். கூடுதலாக இதர லாரிகள் வைக்கும் போது வட்ட வழங்கல் அலுவலரிடம் தகவல் தெரிவித்து நகர்வுப்பணி மேற்கொள்ளவும் மற்றும் கட்டுப்பாடற்ற பொருள்கள் நகர்வு செய்யவும் காட்பாடி கிளை மேலாளர் பணிக்கப்பட்டுள்ளார். இந்த உத்தரவை ஒப்பந்ததாரர் எ. முத்து என்பவருக்கு வேலூர் மாவட்ட நுகர்வோர் கூட்டுறவு மொத்த விற்பனை பண்டக சாலை லிட். , இணை பதிவாளர் மற்றும் மேலாண்மை இயக்குநர் ஆ. பழனிச்சாமி கடந்த 3 2 2026 இல் வழங்கி உள்ளார். ஆனால் சி எஸ் ஆர் என்று அழைக்கப்படும் நுகர்வோர் கூட்டுறவு சார் பதிவாளர் கோபிநாத் என்பவர் எதையும் (சட்டத்தை) விதிமுறைகளை மதித்து நடப்பதில்லை. இதற்கு மாறாக ஒப்பந்ததாரரான முத்துவுக்கு வழங்கப்படும் தொகையைக் காட்டிலும் கூடுதலாக ரூபாய் ஏழு அதிகம் கொடுத்து வேலூரில் உள்ள லாரிகளை கொண்டு வந்து செல்ஃப் என்று போட்டு இவரே தனியாக லோடுகளை ஏற்றுவது, இறக்குவது என்று வேலைகளை பார்த்து வருகிறார் என்று சொன்னால் அதுதான் நிதர்சன உண்மை. காட்பாடி வட்டத்தில் உள்ள அனைத்து ரேஷன் கடைகள் மற்றும் கே. வி. குப்பத்தில் உள்ள அனைத்து ரேஷன் கடைகளுக்கும் திருவலம் கிடங்கில் இருந்துதான் அத்தியாவசியப் பொருட்களை லாரிகளில் ஏற்றி செல்லப்படுகிறது. டெண்டர் விடப்பட்ட லாரிகளுக்கு லோடு வழங்காமல் இவர் தன்னிச்சையாக அதிகார துஷ்பிரயோகம் செய்து தனியார் வாகனங்களை உள்ளே கொண்டு வந்து லோடு ஏற்றுவதும், இறக்குவதும் என்று இவர் தனி ராஜ்ஜியம் நடத்தி வருகிறார். இவரது அராஜகத்திற்கு அளவே இல்லை என்று சொல்லலாம். கடந்த 21.2.2026 அன்றிலிருந்து ஒப்பந்ததாரராக நியமிக்கப்பட்ட முத்துவுக்கு எதிர்ப்பான பணிகளை தொடர்ந்து கோபிநாத் செய்து வருகிறார். அத்துடன் ரேஷன் கடைகளில் பணிபுரிபவர்களை தான் தோன்றித்தனமாக நடத்துவது, அருவெறுக்கத்தக்க ஆபாசமான வார்த்தைகளை கூறி திட்டுவது, வேலை நேரம் போக அதிகாலை 2 மணி, 3 மணி என்று இவரது விருப்பம் போல் தொலைபேசியில் தொடர்பு கொண்டு ஊழியர்கள் மற்றும் பணியாளர்களை வசை பாடுவது, அவர்களை வறுத்தெடுப்பது என்று இவரது விருப்பத்திற்கு ஏற்ப நடத்தி வருகிறார். இதனால் பலர் மன உளைச்சலுக்கு ஆளாகியுள்ளனர் என்பதும் குறிப்பிடத்தக்கது. குறிப்பாக பெண் பணியாளர்கள், விற்பனையாளர்களிடம் ஆபாசமான வார்த்தைகளை கூறி திட்டுகிறார் என்ற குற்றச்சாட்டு கோபிநாத் மீது தொடர்ந்து இருந்து வருகிறது. இவர் மீது நடவடிக்கை எடுக்க வேண்டிய உயர் அரசு அலுவலர்கள் கைகட்டி வேடிக்கை பார்த்து வருகின்றனர். குறிப்பாக தவெக ஜோசப் விஜய் முதலமைச்சர் ஆக உள்ள இந்த வேளையில் இது போன்ற தன்னிச்சையான செயல்பாடுகள் மற்றும் அருவெறுக்கத்தக்க ஆபாச பேச்சுக்கள் பேசும் கோபிநாத் மீது அரசு நடவடிக்கை எடுக்க வேண்டும் என்பதே அனைத்து பணியாளர்களின் ஒட்டுமொத்த விருப்பமாக உள்ளது. இதுவே ஊழியர்களின் எதிர்பார்ப்பாகவும் மாறி உள்ளது குறிப்பிடத்தக்கது. இவர் யாருக்கும் மரியாதை தருவதே கிடையாது. அதே போன்று இந்த கோபிநாத்திற்கு திருமணம் ஆகவில்லை என்பதும் குறிப்பிடத்தக்கது. இவருக்கு வேலூர் மாவட்ட ஆட்சியர் அலுவலகத்தில் 4வது தளத்தில் உள்ள துணைப் பதிவாளர் சுவாதியும் நன்கு சொம்பு அடிக்கிறார் என்றே கூறலாம். இவர் அடிக்கும் ஜால்ராவிற்கு ஏற்ப இருவரும் இரட்டைக் குழல் துப்பாக்கி போல செயல்படுகின்றனர் என்றும் சொல்லலாம். முத்துவிற்கு இன்னும் 6 மாதங்கள் டெண்டர் முடிவடையாத நிலையில் இருந்தாலும் அவருக்கு டெண்டரை கேன்சல் செய்துவிட்டு ஈச்சர் வாகனம் மற்றும் இதர வாகனங்களை இவர் பணிக்கு அமர்த்தி வேலை வாங்கி வருகிறார் என்றால் இவருக்கு யார் இந்த தைரியத்தை கொடுத்தது. இவருக்கு பின்னணியில் உள்ள அதிகாரிகள் யார்? .ஏன் இவர் மீது இதுநாள் வரை நடவடிக்கை எடுக்கவில்லை என்பது போன்ற பல்வேறு சந்தேகங்கள் எழும்பி உள்ளது குறிப்பிடத்தக்கது. இவர் புது புது ஆட்களை உருவாக்குகிறார். இப்படித்தான் பணிகளை நடத்த வேண்டும் என்று ஒரு விதி உள்ளது. அதை விடுத்து எப்படி வேண்டுமானாலும் நான் நடத்துவேன் என்று நடத்துவதற்கு கோபிநாத்திற்கு அதிகாரம் கொடுத்தது யார் ?என்பது சிதம்பர ரகசியமாகவோ அல்லது புரியாத புதிராகவே உள்ளது என்பதும் குறிப்பிடத்தக்கது. ஏன் பெண் பணியாளர்களிடம் வரம்பு மீறி நடந்து கொள்கிறார் என்பதுதான் முக்கிய குற்றச்சாட்டு. இவ்வாறு பல்வேறு குறைபாடுகள், சீர்கேடுகள், ஒழுக்கக்கேடான வார்த்தைகள் பயன்படுத்தும் கோபிநாத் மீது துறை ரீதியான நடவடிக்கையை எடுக்க வேண்டும் என பணியாளர்களும், ஊழியர்களும் ஆவலுடன் எதிர்பார்த்து காத்துக் கொண்டுள்ளனர். ரேஷன் கடைகளுக்கு சோதனைக்கு செல்லும் போது கணக்கில் குளறுபடிகள், இருப்பு அதிகம், குறைவு என்று வரும் இதனை பார்த்துவிட்டு தனக்கு வேண்டியவர்களுக்கு ஒரு மாதிரியும், தனக்கு வேண்டாதவர்களுக்கு ஒரு மாதிரியும் தண்டனை வழங்குவதை வழக்கமாகக் கொண்டுள்ளார் இந்த கோபிநாத் என்று சொன்னால் அது மிகையாகாது. வேண்டாதவர்களுக்கு அபராதம், வேண்டியவர்களுக்கு மன்னிப்பு என்ற ரீதியில் இவர் செயல்பட்டு வருகிறார். இது என்ன இவர் வீட்டு சொத்தா? அல்லது அரசு சொத்தா? என்று தெரியவில்லை. இவரால் அரசுக்கு பெருத்த வருவாய் இழப்பு ஏற்பட்டுள்ளதும் குறிப்பிடத்தக்கது. ரூபாய் 25.50 க்கு இயக்கப்பட வேண்டிய கிலோமீட்டர் லாரி வாடகை ரூபாய் 53 கொடுத்து தன்னிச்சையாக செயல்படுகிறார் கோபிநாத். இவர் இப்படி இயக்குவதற்கு இவருக்கு யார் அதிகாரம் கொடுத்தது? என்று தெரியவில்லை. ஒரு வேளை இவருக்கு திருமணம் ஆகாததால் இவர் பிரம்மை பிடித்து மன உளைச்சலுக்கு ஆளாகி ஒரு சைகோ போல நடந்து கொள்கிறார் என்று சொன்னால் அது கூட நிதர்சன உண்மை ஆகும். இவரை களத்திற்கு அனுப்பாமல் அலுவலகத்தில் இருக்கையில் உள்ள பணிகளை (சீட் ஒர்க்)பார்த்து கொள்ள உத்தரவிட வேண்டும் என்றும் சில ஊழியர்கள் தெரிவிக்கின்றனர். இவரை யாராவது கேள்வி கேட்டால் அவரை வறுத்து எடுத்து விடுகிறார் இப்படி தான் தோன்றுத்தனமாக நடக்கும் இது போன்ற அதிகாரிகள் மீது அரசு தணிகை கவனம் செலுத்தி அவர்களை மற்ற பணியாளர்களுக்கு இடையூறாக இல்லாத வண்ணம் அவரை தண்டனைக்கு உட்படுத்தி குறிப்பாக அவரை பணிநீக்கம் செய்தால் கூட தகும் என்கின்றனர் ஒரு சில நல விரும்பிகள் என்று சொன்னால் அதுதான் நிதர்சன உண்மை. தமிழக முதல்வராக உள்ள ஜோசப் விஜய் தலைமையிலான பொற்கால ஆட்சியில் நடவடிக்கை எடுக்க வேண்டும். கூட்டுறவுத்துறை அமைச்சர் இது போன்ற பிரச்சனைகளில் நேரடியாக தலையிட்டு இது போன்ற சைக்கோ அதிகாரிகளை உடனடியாக துறை ரீதியான விசாரணைக்கு உட்படுத்த வேண்டும் என்பது பாதிக்கப்பட்ட லாரி உரிமையாளர்கள் மற்றும் ஒப்பந்ததாரர்கள் மற்றும் ரேஷன் கடைகளில் பணிபுரியும் விற்பனையாளர்கள் மற்றும் எடையாளர்களின் ஒட்டுமொத்த எதிர்பார்ப்பாகவும், கோரிக்கையாகவும், வேண்டுகோளாகவும் மாறியுள்ளது. இந்நிலையில் பலர் திடீர் போர்க்கொடி தூக்கவும் ஆரம்பித்துள்ளனர் என்பதும் குறிப்பிடத்தக்கது. இதற்கு வேலூர் மாவட்ட நிர்வாகமோ அல்லது தமிழக அரசோ கோபிநாத் மீது என்ன நடவடிக்கை எடுக்கிறது என்பதை நாம் பொறுத்திருந்துதான் பார்க்க வேண்டும்.