Year: 2026

செய்யாறில் ‘நன்னூல் சொல்லதிகாரம் – டி.என்.பி.எஸ்.சி., பொது அறிவு’ நூல்கள் வெளியீட்டு விழா : நூல் ஆசிரியர் க.ஆறுமுகத்திற்கு பாராட்டுக்கள் குவிந்தது !செய்யாறு, ஆக. 3 -செய்யாறில் அரசு ஊழியர் ஐக்கியப் பேரவையின் ஒருங்கிணைப்பில், அறம் பதிப்பகத்தின் சார்பில் பேராசிரியர் முனைவர் க.ஆறுமுகம் எழுதிய “நன்னூல் – சொல்லதிகாரம்” மற்றும் ( டி.என்.பிஎஸ்.சி.,) பொது அறிவு” ஆகிய இரு நூல்களின் வெளியீட்டு விழா மற்றும் திறனாய்வுக் கூட்டம் செய்யாறு ஆர்.சி.எம். பள்ளி வளாகத்தில் நடைபெற்றது.விழாவிற்கு அரசு ஊழியர் ஐக்கியப் பேரவையின் மாவட்டச் செயலாளர் இடிமின்னல் இனியவன் தலைமை வகித்தார். மாவட்ட துணைத் தலைவர் நா.சொக்கலிங்கம், மாவட்ட துணைச் செயலாளர்சி.நாகராஜன் ஆகியோர் முன்னிலை வகித்தனர்.செய்யாறு கலைக் கல்லூரி, இணைப் பேராசிரியர் முனைவர் தேவி வரவேற்றார்.வேலூர் திருவள்ளுவர் பல்கலைக் கழகத்தின் தேர்வுக் கட்டுப்பாட்டு அலுவலர் முனைவர் ஆர்.பாபு ஜனார்த்தனம் நூல்களை வெளியிட, செய்யாறு அறிஞர் அண்ணா அரசு கலைக் கல்லூரி முதல்வர் முனைவர் ந.கலைவாணி பெற்றுக் கொண்டார்.தமிழ் இலக்கியம், இலக்கணம் மற்றும் போட்டித் தேர்வுக் கல்வி ஆகியவை ஒரே மேடையில் இணைத்த அரிய நிகழ்வாக இந்த நிகழ்ச்சி அமைந்தது.நூல் அறிமுகம் மற்றும் திறனாய்வு அமர்வில் வரலாற்றுத் துறை பேராசிரியர் முனைவர் த.சுப்பிரமணியன், ( டி.என்.பி.எஸ்.சி., )பொது அறிவு” நூல் புதிய பாடத்திட்டத்தின் அடிப்படையில் வரலாறு, புவியியல், அரசியல் அறிவியல் உள்ளிட்ட பாடப்பகுதிகளை வினா – விடை வடிவில் தொகுத்திருப்பது போட்டித் தேர்வர்களுக்கு மிகவும் பயனளிக்கும் என்றும், குறுகிய கால மீள்பார்வைக்கு ஏற்ற சிறந்த கையேடாக இந்நூல் அமைந்துள்ளதாகவும் பாராட்டி பேசினார்.தமிழ்த்துறை பேராசிரியர் முனைவர் கு.சீனிவாசன், “நன்னூல் – சொல்லதிகாரம்” நூல் பாரம்பரிய தமிழ் இலக்கண மரபை எளிய நடையில் இன்றைய வாசகர்களுக்கு அறிமுகப்படுத்துவதோடு, நன்னூலின் ஆறு இயல்களையும் திட்டமிட்ட முறையில் விளக்கும் சிறந்த துணை நூலாக அமைந்துள்ளதாகக் குறிப்பிட்டார்.எழுத்தாளர் மைத்திரி அன்பு பேசுகையில், பேராசிரியர் க.ஆறுமுகம் பல ஆண்டுகளாக கல்லூரி ஆசிரியராகவும், போட்டித் தேர்வுப் பயிற்றுநராகவும் பெற்ற அனுபவத்தின் வெளிப்பாடாகவே ( டி.என்.பி.எஸ்.சி., ) பொது அறிவு நூல் உருவாகியுள்ளதாகவும், போட்டித் தேர்வர்களுக்கு இந்நூல் பயனுள்ள வழிகாட்டியாக அமையும் என்றும் தெரிவித்தார். மேலும், “பவணந்தி முனிவரின் நன்னூல் – சொல்லதிகாரம்” நூல் தமிழ் இலக்கண மரபை எளிமையாக வாசகர்களிடம் கொண்டு சேர்க்கும் முயற்சியாக அமைந்துள்ளதுடன், தமிழ் இலக்கண ஆர்வலர்களுக்கும், மாணவர்களுக்கும் சிறந்த துணை நூலாக விளங்கும் என்றும் பாராட்டி பேசினார்.அதேவேளையில், எதிர்கால பதிப்புகளில் மொழித் துல்லியம், பதிப்புத் தரம் மற்றும் வடிவமைப்பில் கூடுதல் கவனம் செலுத்தினால் நூல்களின் செம்மை மேலும் உயரும் என்றும், சமூகப் பொறுப்புணர்வுள்ள நூல்களைத் தொடர்ந்து வெளியிட்டு வரும் அறம் பதிப்பகத்தின் பணி பாராட்டுக்குரியது. அதன் எதிர்கால வெளியீடுகள் உள்ளடக்கத்திலும் பதிப்பு நேர்த்தியிலும் மேலும் சிறந்து விளங்க வேண்டும் என்ற தனது எதிர்பார்ப்பையும் பதிவு செய்தார்.அவரைத் தொடர்ந்து, வாழ்த்துரையாற்றிய அரசு மேல்நிலைப் பள்ளி தலைமை ஆசிரியர் சீனி.தனஞ்செழியன், தமிழ் ஆசிரியர்கள் கண்ணன், செல்வி, இளையராஜா ஆகியோர் நூல்களின் சிறப்புகளையும், மேம்படுத்துவதற்கான சில கருத்துக்களையும் எடுத்துரைத்தனர்.விழாவில் தமிழக வெற்றிக் கழகத்தின் கிழக்கு மாவட்டச் செயலாளர் உதயகுமார், செய்யாறு ஆர்.சி.எம். சர்ச் பங்குத்தந்தை சுதர்சனம், அரசு ஊழியர் ஐக்கியப் பேரவையின் செய்யாறு வட்டத் தலைவர் வ.திருவாசகம், பொருளாளர் சத்தியமூர்த்தி, செய்யாறு பிம்பிசாரர் புத்தவிகார் நிறுவனர் பெளத்த உபாசகர் புண்ணியமூர்த்தி உள்ளிட்டோர் வாழ்த்துரை வழங்கினர்.மேலும், விடுதலைச் சிறுத்தைகள் கட்சியின் செய்யாறு நகரச் செயலாளர் அ.லோகு, ஆவணக் காப்பகத்தின் மாவட்ட அமைப்பாளர் மு.தமிழரசன், நிர்வாகிகள் பெருங்கட்டூர் சந்தோஷ், பராசூர் மணிகண்டன், ஐயப்பன், ந.சுரேஷ் உள்ளிட்ட பல்வேறு அமைப்புகளின் பிரதிநிதிகள் கலந்து கொண்டு சிறப்பித்தனர்.

காவிரி தமிழக உரிமை – கண்டன ஆர்ப்பாட்டம்.கோவை.காவிரி தமிழக உரிமை, மேகதாதுவில் கர்நாடக அரசு அணை கட்ட அனுமதிக்க கூடாது என்பதை வலியுறுத்தி இந்திய கம்யூனிஸ்ட் கட்சியினர் கோவையில் கண்டன ஆர்ப்பாட்டத்தில் ஈடுபட்டனர்.

புறம்போக்கு நிலத்தை முறைகேடாக வழங்கிய அணைக்கட்டு முன்னாள் வட்டாட்சியர் வேண்டா மீது சட்டரீதியாக கடும் நடவடிக்கை எடுக்க வேண்டும் என்று பொதுமக்கள் கோரிக்கை!வேலூர், ஆக. 2-வேலூர் மாவட்டம், அணைக்கட்டு வட்டம், வேப்பங்குப்பம் பகுதியில் அரசு புறம்போக்கு நிலத்தில் பட்டா வழங்கியதில் முறைகேடு நடைபெற்றுள்ளதாக எழுந்துள்ள குற்றச்சாட்டு பொதுமக்கள் மற்றும் சமூக ஆர்வலர்கள் மத்தியில் பரபரப்பை ஏற்படுத்தியுள்ளது. இது குறித்து கிடைத்த தகவலின்படி, சுமார் 1700 சதுர அடி பரப்பளவு கொண்ட அரசு புறம்போக்கு நிலம், சுமார் ரூ.20 லட்சம் சந்தை மதிப்பு கொண்டதாக கூறப்படும் நிலையில், தகுதி விதிமுறைகளுக்கு உட்படாத நபருக்கு வீட்டுமனை பட்டா வழங்கப்பட்டதாக குற்றச்சாட்டு எழுந்துள்ளது. மேலும், காவல்துறை குடியிருப்பு அமைப்பதற்காக ஒதுக்கப்பட்டதாக பதிவுகளில் குறிப்பிடப்பட்ட நிலம், தனிநபர் பெயரில் பட்டா வழங்கப்பட்டதாகவும் அதிர்ச்சி தகவல்கள் வெளியாகியுள்ளன.இந்த விவகாரம் தொடர்பாக அப்போதைய அணைக்கட்டு வட்டாட்சியர் வேண்டா மற்றும் சம்பந்தப்பட்ட கிராம நிர்வாக அலுவலரின் நடவடிக்கைகள் குறித்து லஞ்ச ஒழிப்புத் துறை (DVAC) விசாரணை மேற்கொண்டு வருவதாக கூறப்படுகிறது. இந்த வழக்கு பதிவு செய்யப்பட்டு மேலதிகாரிகள் விசாரணை நடைபெற்று வருவதாகவும் நம்பத்தகுந்த வட்டாரத்தில் இருந்து தகவல்கள் தெரிவிக்கின்றன. தமிழ்நாடு அரசு நில ஒதுக்கீடு மற்றும் வீட்டுமனை பட்டா வழங்கும் விதிமுறைகளின்படி, அரசு நிலங்களை ஒதுக்கீடு செய்யும் போது தகுதி, வருமானம், சொத்து நிலை மற்றும் அரசின் வழிகாட்டு நெறிமுறைகள் முறையாக பின்பற்றப்பட வேண்டும். அவை மீறப்பட்டிருப்பது விசாரணையில் உறுதிப்படுத்தப்பட்டால், சம்பந்தப்பட்ட அதிகாரிகள் மற்றும் பயனாளிகள் மீது ஊழல் தடுப்புச் சட்டம், அரசு பணியாளர் ஒழுங்கு நடவடிக்கை விதிகள் மற்றும் பிற தொடர்புடைய சட்டங்களின் கீழ் உரிய நடவடிக்கை எடுக்கப்படலாம் என சட்ட வல்லுநர்கள் தரப்பில் தெரிவிக்கப்பட்டுள்ளது.மேலும், இந்த ஒரு பட்டா வழங்கல் சம்பவம் மட்டுமல்லாமல், சம்பந்தப்பட்ட அதிகாரிகள் பணியாற்றிய காலகட்டத்தில் வழங்கப்பட்ட பிற பட்டாக்கள், வருவாய் பதிவேடுகள், நில அளவை ஆவணங்கள் மற்றும் அரசு நில ஒதுக்கீட்டு கோப்புகள் அனைத்தும் முழுமையாக ஆய்வு செய்யப்பட வேண்டும் என சமூக ஆர்வலர்கள் வலியுறுத்தியுள்ளனர். அரசின் நலத்திட்டங்கள் உண்மையான பயனாளிகளுக்கு சென்றடைவதை உறுதி செய்வதுடன், அரசு சொத்துக்கள் தொடர்பாக ஏதேனும் முறைகேடுகள் நடைபெற்றிருப்பது நிரூபிக்கப்பட்டால், அதில் தொடர்புடைய அனைத்து தரப்பினரிடமும் பாரபட்சமின்றி சட்டப்படி நடவடிக்கை எடுக்க வேண்டும் என்பதே பொதுமக்களின் ஒட்டுமொத்த கோரிக்கையாக உள்ளது.மேலும், இந்த விவகாரத்தில் நேரடியாகவோ அல்லது மறைமுகமாகவோ தொடர்புடைய அரசு ஊழியர்கள், அதிகாரிகள் மற்றும் அனுமதி வழங்கும் நிர்வாக அமைப்புகளின் பங்கு குறித்தும் முழுமையான விசாரணை நடத்த வேண்டும் என பொதுமக்கள் கோரிக்கை விடுத்துள்ளனர். விசாரணையில் குற்றச்சாட்டுகள் நிரூபிக்கப்பட்டால், சம்பந்தப்பட்டோர் மீது சட்டத்திற்குட்பட்ட ஒழுங்கு நடவடிக்கைகள், பணி தொடர்பான நடவடிக்கைகள் மற்றும் குற்றவியல் நடவடிக்கைகள் எடுக்கப்பட்டு, எதிர்காலத்தில் இதுபோன்ற முறைகேடுகள் எங்கும் நடைபெறாத வகையில் தமிழ்நாடு அரசு கடுமையான முன்னெச்சரிக்கை நடவடிக்கைகளை மேற்கொள்ள வேண்டும் என பொதுமக்கள், சமூக ஆர்வலர்கள் மற்றும் சட்ட வல்லுநர்கள் வலியுறுத்தி வருகின்றனர். எம் எல் ஏ சொன்னதை வேதவாக்காக கருதி தனது அதிகாரத்தை துஷ்பிரயோகம் செய்த வேண்டா மீது நடவடிக்கை எடுத்து அவரை நிரந்தரமாக பணிநீக்கம் செய்ய வேலூர் மாவட்ட நிர்வாகம் நடவடிக்கை எடுக்க வேண்டும். இது மற்ற அரசு அலுவலர்களுக்கு ஒரு முன் உதாரணமாக இருக்க வேண்டும் என்றும் பொதுமக்கள் எதிர்பார்த்து காத்திருக்கின்றனர். மாவட்ட நிர்வாகம் தவறு செய்த அரசு அலுவலர்கள் மீது நடவடிக்கை எடுக்குமா? அல்லது கண்டும் காணாமல் விட்டு விடுமா? என்பதை நாம் பொறுத்திருந்துதான் பார்க்க வேண்டும்.

வேலூர் ஸ்ரீபுரம் ஸ்ரீ நாராயணி பீடத்தில் 2வது தேசிய அளவிலான செவன் ஹில்ஸ் நடன விழா கோலாகலம்!வேலூர், ஆக. 2-வேலூர் மாவட்டம், திருமலைக்கோடியில் அமைந்துள்ள உலகப் புகழ்பெற்ற ஸ்ரீபுரம் ஸ்ரீ நாராயணி பீடத்தில், ஸ்ரீ சக்தி அம்மாவின் தெய்வீக அருளாசி மற்றும் அவரது முன்னிலையில், 2வது தேசிய அளவிலான செவன் ஹில்ஸ் நடன விழா கடந்த 2 நாட்களாக யாகம் அரங்கில் நடைபெற்றது. 2 நாட்கள் நடைபெற்ற இவ்விழாவில் நாட்டின் பல்வேறு பகுதிகளில் இருந்தும் ஸ்ரீ புரம் வந்த நடன கலைஞர்கள் பங்கேற்று பரதநாட்டியம், குச்சிப்புடி, கதகளி, மோகினியாட்டம், மணிப்பூரி, பெரினி மற்றும் ஒடிசி உள்ளிட்ட இந்திய பாரம்பரிய செவ்வியல் நடனங்களை அரங்கேற்றி பார்வையாளர்களை வெகுவாக கவர்ந்தனர். இதில் ஸ்ரீபுரம் இயக்குநரும், அறங்காவலருமான டாக்டர் எம். சுரேஷ்பாபு தலைமை வகித்தார். மேலும், ஸ்ரீ சாய் நாட்டியாஞ்சலி நுண்கலை வளர்ச்சி சங்கத்தின் நிறுவனர் டாக்டர் பல்லெம்செட்டி சுரேஷ் மற்றும் விழாவில் பங்கேற்ற நடன கலைஞர்கள் அனைவரும் இந்திய பாரம்பரிய நடனக் கலைகளை பாதுகாத்து வளர்த்துவரும் பணிக்காக சிறப்பு மரியாதை மற்றும் பாராட்டுகளை பெற்றனர் என்பது குறிப்பிடத்தக்கது.

சூலூர் வட்டாட்சியர் அலுவலகத்தில் இரு கதவுகள் பூட்டப்பட்டது ஏன் மாவட்ட ஆட்சியர் விசாரணை செய்ய வேண்டும் இது தொடர்பாக கோயமுத்தூர் கன்ஸ்யூமர் வாய்ஸ் அமைப்பு செயலாளர் நா லோகு கூறும்பொழுது கோவை மாவட்டம் சூலூர் வட்டாட்சியர் அலுவலகத்தில் இரண்டு பெரிய இரும்பு கேட் கள் உள்ளன ஒன்றில் நான்கு சக்கர வாகனங்கள் உள்ளே வருவதற்கும் இரண்டாவது இரும்பு கேட் வாகனங்கள் வெளியே செல்வதற்காக ஆனால் இன்று காலை நான்கு சக்கர வாகனத்தில் வந்த பொதுமக்கள் இரண்டு இரும்பு கேட்டுகள் பூட்டப்பட்டது கண்டு உள்ளே செல்ல முடியாது நிலை ஏற்பட்டது இதனால் அதிர்ச்சி அடைந்து பொதுமக்கள் தங்கள் கார்களை சூலூர் செல்லும் சாலையில் நிறுத்த வேண்டிய நிலை ஏற்பட்டது இது குறித்து விசாரித்து பொழுது இரண்டு இரும்பு கதவுகள் பழுதாகி உள்ளது என்று ஒரு பொய்யான தகவலை தெரிவித்தார்கள் இது குறித்து இரண்டு இரும்பு கதவுகளை ஆய்வு செய்தபோது இரண்டும் நல்ல நிலையில் உள்ளது அறிய முடிந்தது எதற்காக இரண்டு பெரிய கதவுகள் மூடப்பட்டு இருசக்கர வாகனம் நடந்து செல்வதற்கு மட்டும் ஒரு சிறிய கேட் திறக்கப்பட்டது என்பது குறித்து மாவட்ட ஆட்சியர் வருவாய் கோட்டாட்சியர் விசாரணை செய்து உரிய நடவடிக்கை எடுக்க வேண்டும் இவ்வாறு கோவை கன்ஸ்யூமர் வாய்ஸ் அமைப்பு செயலாளர் நா. லோகு தெரிவித்தார்

செய்யாறில் வி.தி.லீடர்ஸ் கட்சியைச் சேர்ந்த பொறுப்பாளர்கள் ஏற்பாட்டில்போதை ஒழிப்பு விழிப்புணர்வுஉறுதிமொழி ஏற்பு!செய்யாறு, ஆக.1-செய்யாறில் வி. தி. லீடர்ஸ் கட்சி சார்பில் கல்லூரி மாணவர்கள் பங்கேற்புடன் போதை தடுப்பு விழிப்புணர்வு பேரணி நடத்தப்பட்டது.செய்யாறு அடுத்த திருவத்திபுரம் எல்லையான செய்யாற்றங் கரையில் தொடங்கிய இந்த போதை தடுப்பு விழிப்புணர்வு பேரணி, பெரியார் சிலை அருகே நிறைவடைந்தது. இந்த பேரணிக்கு வி. தி. லீடர்ஸ் கட்சியின் பொறுப்பாளரான வெங்கட்ராயன் பேட்டையைச் சேர்ந்த ஆ.சரவணன், தமிழ்ச்செல்வன் ஆகியோர் தலைமை வகித்தனர். சக்தி நாராயணன், யுவராஜ், சத்யா ஆகியோர் முன்னிலை வகித்தனர். செய்யாறு அடுத்த வளர்புரம் கிராமத்தில் இயங்கி வரும் இந்தோ அமெரிக்கன் கல்லூரியைச் சேர்ந்த 700க்கும் மேற்பட்ட மாணவ – மாணவிகள் பங்கேற்று பொதுமக்களுக்கு போதை தடுப்பு குறித்து விழிப்புணர்வை ஏற்படுத்தினர்.போதையினால் ஏற்படும் அழிவுகள் குறித்த வாசகங்கள் அடங்கிய பதாகைகளை மாணவர்கள் கையில் ஏந்தியபடி சென்று பொது மக்களுக்கு விழிப்புணர்வை ஏற்படுத்தினர். அரசு, தனியார் பஸ்களில் வந்த பயணிகளுக்கு போதை பொருள் குறித்த வாசகங்கள் அடங்கிய துண்டு பிரசுரங்களை வழங்கினர். போதை தடுப்பு குறித்த இந்த விழிப்புணர்வு பேரணி செய்யாறு பகுதியைச் சேர்ந்த வியாபாரிகளுக்கும், பொது மக்களுக்கும் பயனுள்ளதாக இருந்தது. இறுதியாக செய்யாறு பெரியார் சிலை அருகே கல்லூரி மாணவர்கள் வி. தி. லீடர்ஸ் கட்சியைச் சேர்ந்த பொறுப்பாளர்கள் பொதுமக்கள் அனைவரும் ஒன்றிணைந்து போதை தடுப்பு தடுப்பு உறுதி மொழியை ஏற்றனர்.இந்நிகழ்ச்சியில் வி. தி. லீடர்ஸ் கட்சியைச் சேர்ந்த பொறுப்பாளர்களான வெங்கடேசன், ரமேஷ், அன்பழகன், கோவிந்தராஜ், கார்த்தி, ஆஷாக், பரத், சுரேஷ், ஜெயராஜ், பூபதி மற்றும் தொண்டர்கள் என, ஏராளமானோர் கலந்து கொண்டனர்.

அரியலூர் மாவட்ட ஆட்சியரகக் கூட்டரங்கில், உணவுப் பாதுகாப்புத் துறையின் சார்பில் சுகாதாரமான மற்றும் தரமான உணவுப்பொருட்கள் பொதுமக்களுக்கு தொடர்ந்து வழங்கப்படுவதை உறுதிப்படுத்துவது தொடர்பான ஆய்வுக்கூட்டம் மாவட்ட ஆட்சித்தலைவர் ந.மிருணாளினி, தலைமையில் இன்று (31/07/2026) நடைபெற்றது.

கோவை மாவட்டம் சூலூர் வட்டாட்சியர் அலுவலகம் கடந்த நான்கு நாட்களாக, 28,29,30,31, நான்கு நாட்களாக சூலூர் வட்டாட்சியர் அலுவலகத்தில் வெளிப்புறம் உள்ள கதவுகள் மூடப்பட்டிருக்கிறது. ஒரு அரசு அலுவலகங்கள் வாயில் கதவு, அரசு விடுமுறை நாட்களைத் தவிர எப்பொழுதும் மூடக்கூடாது. ஆனால் சூலூரில் உள்ள வட்டாட்சியர் அலுவலகம் எதற்காக மூடப்பட்டது என்பதை மிகப் பெரிய கேள்விக்குறியாக உள்ளது. அலுவலக பகுதியில் உள்ளவர்களுடைய சில கருத்துக்கள் லஞ்ச ஒழிப்புத்துறை வர இருப்பதின் அடிப்படையில் இந்த கதவுகளை அடைத்து வைக்கப்பட்டுள்ளதாக தகவல் கூறுகிறார்கள். ஆனால் எது எப்படியோ ஒரு அரசு அலுவலகம் வேலை நாட்களில், கதவுகளை நான்கு நாட்களாக மூடி வைத்திருப்பதற்கு மாவட்ட ஆட்சியர் விசாரணை செய்ய வேண்டும். இன்று பொது மக்களுடைய மிகப்பெரிய கருத்துக்களாக வெளி வருகிறது. இது குறித்து மாவட்ட ஆட்சியர் நடவடிக்கை எடுப்பாரா?

கோவை மாநகர் மின் பகிர்மான வட்டத்தில் விதிகளை மீறியும் வருவாய் இழப்பு ஏற்படும் வகையில் மின் இணைப்பு வழங்கும் அதிகாரிகள் மீது நடவடிக்கை எடுக்க தயக்கம் காட்டுவதாக நுகர்வோர் அமைப்புகள் புகார் தெரிவித்தனர் கோவை டாடாபாதத்தில் உள்ள மின்வாரிய அலுவலகத்தில் தலைமை பொறியாளர் சுமதி தலைமையில் நடைபெற்றது இந்த கூட்டத்தில் மாநகர் வடக்கு தெற்கு வட்ட மேற்பார்வை பொறியாளர்களும் செயல் பொறியாளர்களும் கலந்து கொண்டன இதில் கோவை கன்ஸ்யூமர் வாய்ஸ் அமைப்பு செயலாளர் நா லோகு கதிர் மதியோன் உள்ளிட்ட பல்வேறு பிரதிநிதிகள் கலந்து கொண்டனர் இந்த கூட்டத்தில் கோவை மாநகர மாவட்டத்தில் கட்டிட நிறைவு சான்று பெறாமல் விதிகளை மீறி மின் இணைப்பு வழங்குவது அதிகரித்து வருகிறது என்றும் இது குறித்து புகார் தெரிவித்தால் விசாரணை அலுவலர் நியமனம் செய்யப்பட்டு அறிக்கை பெற்று நடவடிக்கை எடுக்க தயக்கம் காட்டுவதாக பல்வேறு குற்றச்சாட்டுகளை முன் வைத்தனர் மேலும் புதிய மின் இணைப்பு வேண்டி இணையதளத்தில் விண்ணப்பிக்கும் பொழுது மாதக்கணக்கில் மின் இணைப்பு வழங்காமல் இழுத்து காலதாமதம் செய்கின்றனர் சோலார் மின் இணைப்புகள் கட்டண குளறுபடிகள் ஏற்பட்டு அதிகமாக வசூலிக்கப்படுவதாகவும் ஏராளமான பகுதிகளில் முறையாக கணக்கெடுப்பு செய்யாமல் குறிப்பிட்ட நாட்களுக்குள் மின் கணக்கீடு செய்யப்படுவதில்லை இதனால் அதிகப்படியான கட்டணம் விதிக்கப்படுகிறது கோவை மாநகர வட்டத்தில் அனைத்து மின் மின் கம்பங்களிலும் அதிகப்படியான விளம்பரப் பலகைகள் வைக்கப்பட்டுள்ளன அதுபோல மின் பெட்டியிலும் திறந்த நிலையில் பழுதான நிலையில் உள்ளது மாநகர் வட்டத்தில் தகவல் அறியும் உரிமை சட்டம் மூலம் மனுக்கள் அளிக்கும் போது தகவல் அளிக்காமல் ஒண்டிபுதூர் மையம் நகரியம் மாநகர் வட்ட பொது தகவல் அலுவலர்கள் வேண்டுமென்றே தவறான தகவல்களை அளித்து வருகிறார்கள் மையக்கோட்டம் லாலி ரோடு உள்ளிட்ட பல்வேறு பிரிவு அலுவலகத்தில் விதிகளை மீறி மின் இணைப்பு வழங்குவது அதிகரித்து வருகிறது இது போலவே நகரிய கோட்டத்திலும் நடைபெறுகிறது மேலும் பதவி உயர்வு பெற்ற அவர்களுக்கு ஒதுக்கப்பட்ட அலுவலகத்தில் பணி ஏற்பு செய்யாமல் தற்காலிக பணி மாறுதல் என்ற பெயரில் மாநகர் வட்டத்தில் விதிகளை மீறி அதே அலுவலகத்தில் பணிபுரிய மேற்பார்வை பொறியாளர் மற்றும் செயல் பொறியாளர்களால் அனுமதிக்கப்படுகின்றனர் இதற்கு மேற்பார்வை பொறியாளர் செயற் பொறியாளர் உடந்தையாக உள்ளனர் மேலும் மின்வாரிய தலைவர் மற்றும் இயக்குனர் ஆகியோரின் சுற்றறிக்கைகளை கோவை மின் பகிர்மானத்தில் நடைமுறைப்படுத்துவதில்லை இதனால் பொதுமக்கள் கோவை மின்வாரியம் தொடர்பான புகார்கள் மீது நடவடிக்கை எடுக்காமல் உள்ளதால் பொதுமக்கள் கடும் அதிர்ச்சியில் உள்ளனர் மேலும் கோவையில் தலைமை பொறியாளர் அலுவலகம் மேற்பார்வை பொறியாளர் அலுவலகத்தில் பல வருடங்களாக உள்ள உதவி செயற்பொறியாளர்கள் உதவி மின் பொறியாளர்களை இயக்குதல் பேணுதல் பிரிவுக்கு இடமாற்றம் செய்ய வேண்டும் ஒப்பந்ததாரர்கள் மூலம் செய்யப்படும் பணிகளுக்கு விதிகளை மீறி தொகை அளிக்கப்படுவது குறித்து லஞ்ச ஒழிப்பு துறை விசாரிக்க வேண்டும் உள்ளிட்ட பல்வேறு குற்றச்சாட்டுகளை முன் வைத்தனர் இது குறித்து சம்பந்தப்பட்ட மேற்பார்வை பொறியாளர்கள் பதில் அளிக்குமாறு தலைமை பொறியாளர் கேட்டுக் கொண்டும் எந்த அலுவலரும் முறையாக பதில் சொல்லாமல் மௌனம் காத்தனர் இதனால் கூட்டத்தில் பரபரப்பு ஏற்பட்டது

கோவை மாவட்ட காவல்துறையின் சார்பாக கோவை பொதுமக்கள் மற்றும் பெண்களின் பாதுகாப்புக்காக உருவாக்கப்பட்ட QR Scanner “நிழல்” செயலியை இன்று ஆலந்துறை காவல் நிலைய ஆய்வாளர் திரு. முத்துக்குமார் அவர்கள் நாதேகவுண்டன்புதூர் அரசு மேல்நிலைப் பள்ளியில், பயிலும் மாணவ மாணவிகளுக்கு நிழல் செயலியை எவ்வாறு செயல்படுத்த வேண்டும் என்று விழிப்புணர்வு ஏற்படுத்தினார்… இந்நிகழ்ச்சியில் அரசு பள்ளியின் தலைமை ஆசிரியர் மற்றும் மாணவ மாணவிகளும் கலந்து கொண்டனர்….